Dario Adanti y Edu Galán vuelven a la Llaboral

0
4

Dempués de xirar por toa España con Mongolia, el musical 2.0., Darío Adanti y Edu Galán traen al Teatru de la Llaboral el so nuevu espectáculu, Mongolia sobre hielo, esti sábadu a les 20:30 hores.

La mirada satírica de la revista Mongolia y la música de Jorge Ilegal y David Morei van tar presentes nesti show. Adanti y Galán vense obligaos a financiar la revista con un circu sobro xelu énte la cayida de les vientes en papel. “Un circu onde la crisis de la prensa, el poder político y económico, la derecha y l’esquierda, los nacionalismos, el dictadores o les relixones hippies van ser les grandes atracciones. Amás van apaecer dos trabayadores de dereches, los qu’hai en cualquier circu, dispuestos a faer como si llimpien la pista”, espliquen de Mongolia sobro xelu.

Les entraes pal fosu y el patiu de butaques cuesten 18 euros y les de palcos y anfiteatru 15 euros. Les localidaes pa dambos espectáculos pueden adquirise na Recepción de la Llaboral, nel Centru Niemeyer n’Avilés, na Oficina d’Información Turística d’Asturies n’Uviéu y n’Entraes Liberbank.