Daste cuenta que yá nun yes un mozu folixeru cuando llega’l finde y «preparase pa salir de folixa pela nueche» yá nun t’apetez tanto.

Salir de nueche

Oasis, Tik, La Real, La Pista, El Jardín… ¿Quién nun recuerda estes famoses discotéques asturianes?  Agora’l plan ye quedar colos cuatro amigos más íntimos pa tomar unes botelles nesa sidrería al llau de casa.

Facer de groupi nun conciertu

Quedes ablucáu colos adolescentes que se tiren una selmana faciendo cola para ver al grupu de moda. Nun escaezas que tu tamién fuisti un auténticu groupi.

Xubir semeyes al Fotolog

Los tiempos del Fotolog… ¿Quién nun recuerda eses semeyes feches cola blackberry y acompañales d’una cutre-frase ocurrente?.

Ver la última película nel Teatru Arango

L’ambiente d’esi cine yera únicu, agora tamién podemos entrar pero pa comer unes hamburgueses dobles con quesu.