Conocer Asturies va faer una emisión en directo y n’asturianu de la cabalgata de Reis de Xixón

La plataforma d’información de turismu y ociu Conocer Asturias/Conocer Asturies va emitir en Facebook esti sábadu la cabalgata de Reis de Xixón de forma íntegra, en direuto y comentada n’asturianu.

De magar les 19:30 hores, aproximadamente, va entamar una conexón en directo que va amosanos toles carroces de la cabalgata xixonesa nel so pasu pela ciudá. 

Amás, y a lo llargo de la xornada, Conocer Asturies va faer un siguimientu especial de los pasos que los Reis van dir dando pela ciudá, dende la so llegada n’helicópteru hasta la fin de folixa cola reciella de Xixón.

Esperámoste esti sábadu nel facebook de Conocer Asturias pal directu de la cabalgata y en toles redes pal restu del siguimientu, pa compartir con vós un día d’ilusión y allegría. 

Tags: