in

Cine asturianu nel festival Cinespaña de Toulouse

El FICX entama un ciclo de cine asturianu nel festival Cinespaña de Toulouse
El FICX entama un ciclo de cine asturianu nel festival Cinespaña de Toulouse

El Festival Internacional de Cine de Xixón collabora nel ciclu dedicáu al cine asturianu contemporaneu que’l Festival Cinespaña de Toulouse va ufiertar el próximu ochobre como parte de la programación de la so 24ª edición, y que va cuntar coles mesmes col sofitu de la Radiotelevisión del Principáu d’Asturies (RTPA).

En dedicando dos monográficos al cine catalán y al Novo Cinema Galego en 2017 y 2018 respectivamente, el certame francés va incluyir anguaño un apartáu consagráu a obres audiovisuales producíes n’Asturies y/o realizaes por cineastes asturianos/es. Compuesta por siete pieces sol títulu ‘Memoria, militancia y esiliu: Unu aproximamientu al cine asturianu recién’, l’amuesa construyir a partir dos aguaes idiosincrátiques esenciales de cara a (re)definir la identidá d’Asturies na actualidá: La necesidá de xestionar el legáu socioeconómico ya ideolóxicu del movimientu obreru que florió mientres el so desenvolvimientu industrial, y la situación de quien, por represión y/o por falta d’horizontes vitales, abandona(ro)n la so tierra natal.

La selección ta conformada polos siguiente títulos: Cantares d’una revolución (Ramón Lluís Bande, 2019); El pasáu presente (Tito Montero, 2018) -producida pola RTPA; La plomada (Luis Argeo y James D. Fernández, 2017); ReMine, l’últimu movimientu obreru (Marcos M. Merín, 2014); y un programa con trés curtiumetraxes de Elisa Cepedal: La sablera (2010); Ai Pena (2011); y El desastre, murnies figuraciones de lo qu’hai de soceder (2014).

La collaboración col Festival de Toulouse encuádrase dientro de la rede profesional de trabayu establecida apocayá pol FICX con dellos certames internacionales, como’l Festival de San Sebastián, Porto/Post/Doc, Tampere (Finlandia), ZineBi o’l Festival Internacional de Cine de Les Palmes, ente otros.

4 coses que ver en Cuideiru

3 sableres onde pasalo bien col perru