in , , ,

Cangas del Narcea, capital de los bolos tradicionales nel XX aniversariu de la so recuperación

Cangas2019_Página_1.pngUn de los pegoyos más representativos de la cultura asturiana, sobremanera nel occidente asturianu, fueron siempres los bolos. A cuenta del XX aniversariu de la recuperación de los nuesos bolos celebren en Cangas un importante Alcuentru pa esti deporte tradicional, onde va falase non namás de les tipoloxíes autóctones d’esti xuegu, sinón de toles variantes que se dan na contorna europea en xeneral.

D’equí en 15 díes, ente’l 29 y el 31 de marzu, va desarrolla esti obligáu eventu col sofitu del Conceyu de Cangas del Narcea y cuadrando cola xunta d’iviernu de l’Asociación Europea de Xuegos y Deportes Tradicionales.

El platu fuerte del Alcuentru ye un Congresu Internacional onde podremos esfrutar de reconocíos defensores y especialistes del xuegu tradicional procedentes de toa Europea: profesores universitarios, de secundaria, representantes de federaciones y de proyectos culturales… Toos ellos darán una visión global y particular de lo muncho que se fai por protexer y proyectar al futuru esti patrimoniu. Amás del Congresu, organícense xintes y cenes p’aldericar y compartir, una esposición y delles visites culturales pela redolada.

L’asistencia ye llibre y les persones interesaes podrán averase en cualesquier momentu. Sicasí, ye necesario contactar cola organización (bolovaqueiro@yahoo.es) pa xestionar la inscripción formal en dellos casos:

  • Si quies participar oficialmente nel Congresu, contando con serviciu de traducción simultánea, certificáu d’asistencia, cafés con daqué pa pinchar nes poses y autobús pa facer la etnovisita que constitúi la sesión del domingu del Congresu (50 €).
  • Si te presta quedar a xintar o a cenar en dalgún de los casos (25 € / comida).
  • Si quies quedar a dormir en Cangas del Narcea dalguna de les nueches (25 € / nueche en cuartu doble compartíu).
  • Si t’animes a facer les visites culturales del sábadu de tarde, incluyendo tresporte (10€).

Axuntamos equí’l programa del Alcuentru, amás de poder atopar más información na so páxina de facebook: facebook.com/bolo.vaqueiro

El Xardín Botánicu de Xixón celebra la fiesta l’equinocciu esta fin de selmana

5 coses que pasen cuando llega la primavera a Asturies