in , ,

Doce playes d’Asturies, con bandera azul

La playa de La Ñora contará un añu más con bandera azul.
La playa de La Ñora contará un añu más con bandera azul.

Una docena d’arenales y el puertu deportivu de Xixón caltienen la so distinción pola calidá de les sos agues

La bandera azul ondeará esti branu en doce playes d’Asturies. Esti distintivu podrá vese nes sableres d’Arnao (Castropol), Peñarronda (CastropolTapia), Frexulfe (Navia), Outur (Valdés), Cadavéu (Valdés), Concha d’Artéu (Cuideiru), San Pedro Bocamar (Cuideiru), Aguilar (Muros), Santa María del Mar (Castrillón), Salinas (Castrillón), La Ñora y Rodiles (Villaviciosa). Trátase del mesmu númberu de sableres que n’Asturies yá cuntaben con bandera azul l’añu pasáu. Tamién caltien esti distintivu’l puertu deportivu de Xixón.

Lo que sí suma Asturies ye un nuevu ‘senderu azul‘. La Sienda Costera de los Miradores, en Muros, llogra esta distinción cola que yá cuntaben la Sienda Piatonal de la Mariña d’Artéu, en Cuideiru, y el Cabu Peñes, en Gozón. L’informe añal de l’Asociación d’Educación Ambiental y del Consumidor (Adeac), qu’otorga dende 1987 la bandera azul a sableres y puertos pola so calidá y serviciu, reconoz como ‘centru azul‘ al Muséu d’Ancles Philippe Cousteau y al Muséu de la mina d’Arnao, en Castrillón; al Centru de Visitantes ya Interpretación del Mediu Marín de Peñes y el Muséu Marítimu de Gozón; y el Buque Creoula, de la Universidá Itinerante de la Mar.

El Teatru Campoamor acueye la celebración del 40 Día de les Lletres Asturianes

Vista cenital de la capiella de Laboral durante una cena.

La Llaboral, ún de los diez meyores espacios históricos d’España pa eventos