Avilés engalánase en Navidá. Les lluces va estendese per 26 cais y places del centru, con más de 300.000 bombilles LED. L’encendíu adelántrase con respectu al añu pasáu, y va tener llugar esti sábadu a les 18.30 hores na Plaza d’España. La Casa Conceyu va llucir de forma especial mientres toles fiestes con un cartelu de Felices Fiestas, cortines lluminoses nos balcones y una decoración con piñes. Na plaza, un arcu d’estrelles y un gran árbol lluminosu de 12 metros d’altor van sirvir de puntu d’alcuentru. La ciudá va cuntar con más de 20.000 puntos de lluz en total.

Los alumnos del conservatorio municipal profesional van poner banda sonora al encendíu con un conciertu énte’l Conceyu. Será a les 18.15 hores. N’él, van interpretar conocíes cantares navidiegos. Actuarán los alumnos del Coru de les Enseñances Profesionales y el cuartetu de cuerda integráu por Sara Novelle Rodríguez (violín), Benedicta Abadín Pérez (violín), Eugenia García Cuesta (viola) y Ana Iglesias Martín (violonchelu), so la dirección d’Isabel Baigorri.