in

Autobuses nocherniegos ente Cangas y Uviéu pa La Descarga

Autobuses nocherniegu ente Cangas y Uviéu pa La Descarga
Autobuses nocherniegu ente Cangas y Uviéu pa La Descarga

El Consorciu de Tresporte d’Asturies (CTA) va poner en marcha anguaño pela primer vez mientres la nueche del 16 al 17 de xunetu, coincidiendo con La Descarga, en Cangas, un serviciu d’autobús nocherniegu (‘búho’) ente la capital del conceyu y Uviéu, que va dexar a les persones qu’asistan a la fiesta tornar a casa de manera segura.

De la mesma, Alsa va reforciar los servicios diurnos escontra Cangas dende dellos oríxenes (dende Uviéu, a les 14, 16, 17:30 y 20 hores). Van establecese salíes especiales y reforzaes de regresu a la capital asturiana a les 23 hores y na madrugada del día 17, a les 6:15 y 6:40 hores. Otra manera, va haber autobuses nocherniegos pel itinerariu habitual entre Cangas y Tinéu. Les salíes de Cangas tan programaes a les 23:00, 1:00, 3:00, 5:00 y 6:00 hores. El regresu dende Tinéu va ser na madrugada del miércoles a medianueche y a les 2:00, 4:00, 5:30 y 6:30 hores.

Estos servicios súmense a otros que’l CTA ta impulsando estos meses en distintos puntos pa siguir reforzando y ameyorando una rede d’autobuses ‘búho’. L’oxetivu ye garantizar los desplazamientos más seguros. Nesti sentíu, amplió’l serviciu nocherniegu ente Uviéu, Xixón y Avilés, qu’antes s’emprestaba namás los vienres y sábadu y que del 7 de xunetu al 30 d’agostu va ufiertase a diario.

Tresona acueye esti domingu'l III Triathlón Festival ParqueAstur

Tresona acueye esti domingu’l III Triathlón Festival ParqueAstur

Reabre al públicu la ilesia llanisca de San Antolín de Bedón

Reabre al públicu la ilesia llanisca de San Antolín de Bedón