in

Asturies ponse (tovía más) sidrera

La sidra conviértese na auténtica protagonista del fin de semana en Asturias. Dende esti xueves y hasta el 20 d’ochobre van poder percorrese les 45 sidreríes participantes en Xixón de Sidra pa probrar les meyores sidres. Mientres diez díes, los meyores llagares hermánense con destacaes sidreríes de la ciudá. Cada establecimientu va acoyer un palu de sidre y una cazuelina.

De sidra va tamién la cosa en Villaviciosa. La capital maliaya acueye la celebración del XXXII Festival de la Mazana. La localidá ufierta hasta’l domigno un completu programa d’actividaes: cates de mazanes y sidra con denominación d’orixe, amueses de cocina, concursu d’escanciadores, actuaciones musicales y esposición de mazanes na plaza d’Abastos. Amás va entamase un mercáu de seronda, un tren turísticu de la mazana y actividaes para neños. Los restoranes maliayos van ufiertar, a distintos precios, menúes ellaboraos cola mazana como protagonista.

Gastronomía

Los amantes del quesu tienen una cita esti sábadu en Cangues d’Onís. El LXXIX Concursu Esposición de Quesos de los Picos d’Europa, que coincide cola celebración de la XXXIII Feria del Miel del Oriente d’Asturies, va cuntar cola presencia d’espositores y productos procedentes d’Asturies, Castiella y Llión, y Cantabria. El visitante va atopar una suxerente y variada esposición con vienta de quesos, miel y otros productos apícolas. Horariu: de 10.00 a 14.00 hores.

Asturies ye tamién tierra de vinu. Cangas acueye esta fin de selmana la Fiesta de la Vendimia del Vinu de Calidá de Cangas. La escenificación del tresporte de la uva nun carru del país y la tradicional pisada d’uva son unos de los sos principales actos que se complementa con cates de vinos DOP de Cangas, mercadín, puestos d’artesanía, vienta de productos tradicionales, visites a bodegues y actividaes para neños.

Música

Uviéu. El Teatru Campoamor acueye Rinaldo, enmarcada dientro de la Temporada d’Ópera d’Uviéu. Música de Geor Friedrich Händel. Llibretu de Giacomo Rossi y Aaron Hill, basáu principalmente na Gerusalemme liberata de Torquato Tasso. El xueves y el sábadu a les 20 hores.

Teatru

Xixón. El Magu, con testu y dirección de Juan Mayorga, llega’l sábadu 12 d’ochobre al Teatru Xovellanos. La presunta realidá d’una familia corriente vese desdoblada y cuestionada cuando la espectadora d’una función de maxa vuelve a la so casa dempués de ser hipnotizada. El sábadu a les 22.30 hores.

Llena. El Grupu de Teatru Kumen xúbese’l domingu sobro les tables del Teatru Vital Aza pa representar Trés. Ye una obra rápida, de gags efectivos, con una tema universal como la maternidá y l’amistá como telón de fondu llevada a cabu por personaxes estereotipu identificables pa consiguir la risa de la sala.

Feries y mercaos

Uviéu. El Palaciu de Congresos y Esposiciones acueye Celebratis, feria del sector d’eventos y bodes d’Asturies. Mientres la fin de selmana, podrá esfrutase de diverses actividaes onde los novios van poder atopar tolo que precisen pal día de la so boda.

Xixón. El Mercáu ecolóxicu y artesanu vuelve fiel a la so cita col públicu xixonés. Un mercáu que se consolidó como un referente artesanal, gastronómicu y turísticu na plaza Mayor de la ciudá. La calidá de los sos productos ye’l so principal distintivu y reclamu, xuntu coles actividaes y talleres que vien entamando dende la so nacencia.

Cabranes. Santolaya celebra esti domingu una nueva edición d’El Tenderete. Mercáu de productos locales y de segunda mano. Nesta ocasión, tán programaes les actuaciones de rap acústicu y poesía per parte de Mark Ávila siguida d’una sesión de Jam10 al cargu de la Fabulosa Banda de Reggae de Cabranes. De 11 a 15 hores.

En familia

Colunga. Fósiles, mapes ensin completar, llaves, candaos, puzles, crucigrames, criptex… ¿vas ser capaz d’atopar l’ayalga oculta de Owen? El Muséu del Xurásicu d’Asturies convertir nuna sala d’escape con L’ayalga oculta de Owen. El sábadu y el domingu a les 11:30, 13:00 y 17:30 hores. Más información y entraes.

Siero. El Teatru Auditoriu de La Pola acueye la representación d’Adivina qué, al cargu d’Adrián Conde, el sábadu 12 d’ochobre a les 18 hores. Un espectáculu de maxa distinto, un espectáculu onde l’humor y la sátira son los protagonistes. En clave de clown, Adrián Conde asonsaña l’actitú de los adultos cuando traten a los neños, faciendo posible, una vegada más, que riamos de nós mesmos.

Xixón. El Muséu del Pueblu d’Asturies celebra esti domingu’l Día de la Reciella. La xornada va arrincar cola cuarta edición de la carrera Entaína y va siguir con talleres, presentaciones, música y un mercadín de lliteratura pa los más pequenos.

Visites guiaes

Pravia. El Muséu ya Ilesia prerrománica de San Juan Evanxelista, en Santianes, abre les sos puertes con una serie de visites guiaes hasta’l 15 d’ochobre. Va ser a les 10:15, 11:00, 12:00 y 13:00 hores. Les visites va tener xuna duración d’una hora. Ye necesaria inscripción previa na Oficina de Turismu de Pravia, nel teléfonu 985 82 12 04 o unviando un corréu electrónicu a: oficinaturismopravia.es

Pote de castañes: receta

Oktoberfest Llangréu

El Oktoberfest vuelve a Llangréu