Asturies, destín en puxanza de turismu deportivu de pádel y tenis
Asturies, destín en puxanza de turismu deportivu de pádel y tenis

El deporte y el tenis d’alta competición son un fenómenu que mueve mases, tantu a nivel de participantes activos nel deporte, yá seya a nivel amateur o profesional, como a nivel d’espectadores.
Asturies gocia d’un posicionamientu consolidáu en turismu de deportes de raqueta, tantu en tenis, gracies a figures como’l xixonés Pablo Carreño, o como en pádel que, como acaba de nacer, crez a un ritmu vertixinosu.

Disponer d’instalaciones deportives de primer orde y atraer profesionales del deporte y acontecimientos deportivos, como’l ya desapaecíu Tenis Playa de Lluanco, ye una gran ferramienta de promoción turística p’Asturies. ¿Alcuérdeste? Ye bona pena nun siguir cuntando con esti importante eventu deportivu que movía una bona montonera de seguidores fieles al deporte de la raqueta.

El Tornéu Tenis Playa de Lluanco yera un tornéu de tenis d’exhibición, siendo l’únicu nel mundu que s’entamaba sobro’l sable d’una sablera mientres el baxamar. Na sablera instalabense graes pa más de 2.000 persones, que xuníu a les condiciones naturales de la redolada permitien algamar un aforu próximu a los 3.000 espectadores. Instalábase lluz artificial pa que los partíos pudieran disputáse peles nueches.

Perfil del turista aficionáu al deporte de la raqueta

El perfil del turista deportivu de raqueta, tantu de tenis como de pádel, presenta unes característiques comunes: edá media d’ente 35 a 50 años, nivel económicu mediu-altu, proceden mayoritariamente de Gran Bretaña, países nórdicos, Alemaña y Holanda; visitaron Asturies a lo menos una vegada enantes y suelen ser veceros bien fieles.