in

Acaben les obres del área recreativa d’El Cristo

La Conseyería d’Infraestructures, Mediu Ambiente y Cambéu Climáticu concluyó les obres del área recreativa d’El Cristo, n’Uviéu, a les que se destinaron 85.700 euros. L’actuación, empezada’l 26 d’agostu, consistió na construcción de trés grades nel espaciu multiusos del helipuertu del Hospital Universitariu Central d’Asturies (HUCA) vieyu, la instalación de cubiertes de tela tensao pa la protección del sol y l’agua, la creación d’un área canina, la eliminación parcial de la celosía de formigón del zarru del área recreativa y l’allargamientu de les soleres de formigón nes entraes. Tamién se repararon arquetes y sumidorios, y lleváronse a cabu obres menores de meyora de la urbanización.

Los trabayos apararon na selmana del 16 de setiembre, cola mira de dexar l’espaciu acondicionáu pa la celebración de la romería d’El Cristo, y volvieron empezar pa la otra. El proyectu executóse nel marcu del protocolu d’ordenación del recintu urbanu al redor del HUCA vieyu soscritu ente’l Principáu y el Conceyu d’Uviéu, que prevé la implantación d’usos y actividaes na zona al serviciu de la ciudadanía.

¿Cuántes botelles formen ‘l’árbol de la sidra’?

¿Qué tiempu esperamos esti fin de selmana?