A la venta les entraes pal Conciertu d’Añu Nuevu d’Avilés

Va tener llugar el 1 de xineru a les 19.00 hores y va ser el primer eventu del centenariu del Teatru Palacio Valdés

0
21

Avérase’l tercer Conciertu d’Añu Nuevu d’Avilés, unu de los eventos más queríos de la programación navidiega. El recital, que va ufiertar la Orquesta Sinfónica Ciudá d’Avilés, va tener llugar el miércoles 1 de xineru a les 19.00 hores, como acontecimientu inaugural del añu del primer centenariu del Teatru Palacio Valdés. Les entraes tán a la venta dende 6 euros.

Esti conciertu convirtióse nún de los protagonistes de la programación navidiega d’Avilés, con dos llenos absolutos nos sos dos primeres ediciones. Nesta tercera, Iván Cuervo, profesor del Conservatorio Municipal Profesional Julián Orbón, va dirixir una orquesta integrada por 46 prestixosos músicos d’Asturies, profesores del conservatorio avilesín y antiguos alumnos del mesmu que formen parte d’orquestes de gran reputación tanto nacionales como internacionales.

Acompañarálos el violonchelista rusu Alexander Osokin, antiguu profesor del conservatoriu Julián Orbón y solista de la prestixosa orquesta Moscow Virtuosi. Van interpretar un repertoriu con grandes obres maestres de la música mundial, como’l Boleru de Ravel, y con un importante espaciu reserváu tantu pa la tradición vienesa como la española.