in

5 famosos qu’escoyeron Asturies pa esfrutar del branu

Alejandro Sanz grabó’l so nuevu videoclip n’El Franco y Mel Gibson emponderó n’Uviéu la figura de Don Pelayo

Yá ye daqué habitual. Son munchos los famosos que cada añu escueyen Asturies pa escapase unos díes y esfrutar del branu en dalgún de les incomparables paraxes qu’escuende’l Principáu. Pela nuesa tierra pasaron nos caberos meses, ente otros, personaxes como Judit Mascó, Cristina Tárrega, Nuria Marín, Alejandro Sanz y Mel Gibson. Este foi’l so percorríu:

Judit Mascó

La modelo y presentadora catalana Judit Mascó esfrutó d’unos díes de descansu n’Asturies. La barcelonesa optó por relaxase en Puebloastur, onde amás d’esfrutar de los espectaculares paisaxes d’esti enclave cercanu al valle del Sueve, dio bona cuenta de la gastronomía de la comunidá. La catalana compartió en Instagram delles imaxes de les sos vacaciones.

Cristina Tárrega

La periodista valenciana Cristina Tárrega tamién se dexó conquistar polos encantos del Principáu. Va dos selmanes pasó pol balneariu de Les Caldes, n’Uviéu, onde coincidió Fran, ganador del bote de ‘Pasapalabra’. Tamién se dexó ver pola sablera de San Llorienzo, en Xixón.

Nuria Marín

La presentadora de ‘CazamariposasNuria Marín escoyó l’occidente asturianu pa pasar unos díes de descansu mientres la temporada braniza. Ellí dexóse sosprender polos impresionante paisaxes qu’escuende la sablera del Silenciu y visitó la localidá valdesana de Cadavéu. Pero non too foi costa. La periodista catalana presumió d’atopar una piscina ente los montes de Picos d’Europa.

Alejandro Sanz

La mariña occidental asturiana foi tamién l’escenariu escoyíu por Alejandro Sanz para grabar el so nuevu videoclip. El cantante madrilanu esfrutó de los rincones d’El Franco y nun duldó n’emponderar la guapura del «paraísu natural». Un equipu d’unes 40 persones trabayaron nel rodaxe.

Mel GIbson

Si hai una visita que realmente hai cuidao que falar esti branu foi la del actor Mel Gibson a Uviéu. El director y productor estadounidense dexóse ver pela capital asturiana, onde emponderó la figura de Don Pelayo. L’intérprete percorrió’l Norte d’España nun viaxe que nun escapó a la cámara del cazaautógrafos Ander Azcárate.

Trés nuevos conciertos del ciclu Suena la Cúpula

¿Cuándo entama la seronda?